LIGJET E BIZNESIT
Nga Aurora Sulçe, Producente Ekzekutive për Biznesin në A2 CNN
Rreth një muaj e gjysmë na ndajnë nga zgjedhjet e përgjithshme parlamentare të 11 majit. Partitë politike të opozitës i kanë bërë publike programet e tyre elektrale, ku fokus kanë qenë kryesisht rritja e pensioneve dhe të ardhurave të disponueshme të qytetarëve. Ditët e fundit, në fjalimet e tij kryeministri Rama ka shpalosur një pjesë të premtimeve, ndonëse zyrtarisht një dokument për programin ende nuk është publikuar.
Cfarë premtohet nga socialistët?
Rama premton që në vitin 2030, që përkon me fundin e mandatit të katërt pensioni minimal të shkojë 200 euro, ndërkohë që do të ketë rritje të mëtejshme të pagave. Paga mesatare do të jetë në vitin 2030 1 mijë euro, ndërsa paga mesatare në shtet 1300 euro.
Sipas socialistëve, kjo rritje e të ardhurave të disponueshme të qytetarëve do të mundësohet nga një zhvillim i qendrueshëm i ekonomisë.
Socialistët premtojnë një rritje mesatare ekonomike me 4% në vit, ndërkohë që biznesi i vogël do të mbetet i përjashtuar nga taksat, duke mos paguar TVSH dhe tatim fitim. Politikat ekonomike do të cojnë në një rënie të papunësisë me 2.8% në katër vitet e ardhshme.
Partia Socaliste ka evidentuar disa sektorë prioritarë, ku do të jetë edhe fokusi i politikave dhe investimeve publike.
Bëhet fjalë për turizmin; energjinë elektrike ku socialistët premtojnë se vendi do të shndërrohet në fund të mandatit të katërt në një eksportues neto; infrastrukturën, mbrojtjen dhe rritja e vëmendjes poër bujqësinë dhe furnzimin me ujë të pijshëm, ku përsëritet premtimi për 24 orë furnizim me ujë në ditë.
