LIGJET E BIZNESIT
Nga Aurora Sulce, Producente Ekzekutive për Biznesin në A2 CNN
Pas bërjes publike të listave dhe dorëzimit të tyre në Komisionin Qendror të Zgjedhjeve, partitë politike duhet të garojnë me programe, në të cilat përfshihen edhe nismat që ato premtojnë të ndërmarrin për qytetarët nëse vijnë në pushtet.
Socialistët kërkojnë një mandat të katërt, cka nënkupton vijueshmërinë e politikave të ndërmarra deri më tani për qytetarët dhe biznesin, ndërsa demokratët e kanë bërë publik programin e tyre.
Cfarë premtojnë palët në fushën e taksave?
Partia Socialiste i qëndron taksës progresive me tre fasha për pagat: 0; 13 dhe 23%. Taksë 0% për bizneset e vogla. I ka shpallur luftë infomralitetit dhe ka premtuar heqjen e përjashtimeve fiskale, rekomandim ky i Fondit Monetar Ndërkombëtar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Një politikë fiskale tërësisht të ndryshme propozojnë demokratët.
Ata premtojnë rikthimin e taksës së sheshtë 10%; taksë 5% për sektorët pruioritarë; taksë 0% për bizneset me xhiro deri në 18 milionë lekë në vit;; ulje e TVSH-së për energjisë dhe ushqimet; rishikimin e të gjtiha politikave tatimore dhe stabilitet në legjislacionin fiskal, cka nënkupton që ligjet lidhur me taksat dhe tatimet të mos ndryshojnë shpesh.
Por ekonomia nuk ka vetëm taksat. Ka edhe politika që nxisin zhvillimin e sektorëve të konsideruar prioritarë dhe ekonomisë në tërësi.
Socialistët kanë miratuar së fundmi Paketën e Maleve, që parashikon dhënien tek investitorët me cmimin 1 euro të tokës në zonat malore; ngritjen e Bankës Shqiptare të Zhvillimit pas miratimit të mërkurën në komisionet parlamentare; vijimin e digjitalizimit të shërbimeve publike dhe përdorimin e Inteligjencës Artificiale në prokurimet publike.
Nga ana tjetër, demokratët premtojnë ndryshime rrënjësore në politikat ekonomike të vendit.
Programi ekonomik i PD parashikon eliminimin e kontratave të PPP-ve; taksë 0% për 5 vitet e para për emigrantët që investojnë në Shqipëri; digjitalizim i plotë i shërbimeve për bizneset, duke lehtësuar procedurat dhe ulur korrupsionin. Demokratët angazhohen gjithashtu që të bëjnë reformimin e tregut të pronës dhe të listojnë korporatat në bursën vendase.
