LIGJET E BIZNESIT
Nga Aurora Sulce, Producente Ekzekutive për Biznesin në A2 CNN
Ky vit ka nisur i mbarë për turizmin. Të dhënat e fundit zyrtare tregojnë për rritje të numrit të vizitorëve, por edhe netëqëndrimeve.
Instituti i Statistikave publikoi rezultatet mbi strukturat akomoduese, ku në janar rezulton se numri i vizitorëve i ka kaluar 122 mijë, me rritje 26.9% kundrejt të njëjtës periudhë të një viti më parë. Ky është niveli më i lartë i këtij treguesi në vite.
Në rritje është edhe numri i netëqëndrimeve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në janar, u regjistruan mbi 60 mijë netëqëndrime më shumë se një vit më parë, me rritje 35.8%. Këtu përfshihen si rezidentët, ashtu edhe jo rezidentët, megjithëse rritja më e madhe e nëteqëndrimeve u shënua tek këta të fundit.
Por nga po vijnë turistët e huaj, për të kuptuar jo vetëm gjeografinë, por edhe tipologjinë e tyre në drejtim të shpenzimeve?
Kryesojnë italianët me 21% të totalit të vizitorëve, ndërsa në vend të dytë renditet Kosova e pasuar nga Gjermania dhe Mbretëria e Bashkuar.
