Në 29 vjet, çmimet e banesave u rritën 300%

Në Shqipëri, sektori i ndërtimit gjithashtu dhe tregu i pasurive të paluajtshme kanë pësuar ndryshime të konsiderueshme ndër vite. Altax, në raportin e fundit, ka krahasuar rritjen e kostove të ndërtimit dhe çmimet e shitjeve të banesave, në periudhën kohore të 1995 deri në 2024.

Sipas raportit, nga vitet 1995-2000 dhe në 2000-2010, kostoja e ndërtimit u rrite me 11.5%. Kjo, u reflektua dhe në rritje të çmimit të shitjes nga ku kapërceu në 100% deri në 200%, ose e thënë ndryshe nga 250-450 USD, në 300-900 euro. Altax thekson se në këtë periudhë çmimet e shitjeve të banesave u rritën më shpejt se kostot e ndërtimit, gjë që mund të lidhet me kërkesën e lartë dhe përmirësimin e kushteve ekonomike

Por, nga vitet 2000-2010 në 2010-2015, kostoja e ndërtimit u rrit me 11.6% dhe se çmimi i shitjes u rrit me 50%-100% ose deri në 1200 euro. Kjo periudhë, ka pasur një rritje të shpejtë të kërkesës për banesa.

Në peridhën e viteve nga 2010-2015 deri në 2015-2024, kostoja e ndërtimit u rrit me 32.7%, ndërsa çmimi i shitjes u rrit deri në 2000 euro. Në këtë periudhë, rritja e çmimeve të materialeve dhe pasiguria në furnizim ndikuan në rritjen e kostove të ndërtimit, por çmimet e shitjeve të banesave vijuan të rriten, duke reflektuar kërkesën e lartë dhe inflacionin.

Por, sipas përllogaritjeve të Altax, në të gjithë periudhën nga 1995-2024, kostoja e ndërtimit u rrit me 65.2% dhe se çmimi i shitjes së banesave u rrit me 140% deri në 300%. Krahasimi i përgjithshëm tregon që çmimet e shitjeve të banesave janë rritur më shpejt se kostot e ndërtimit. Ndërkohë, faktorë si inflacioni, politika monetare, dhe investimet e huaja kanë pasur ndikim të madh në këtë tendencë./Tv Scan