LIGJET E BIZNESIT
Më shumë çimento, gëlqere dhe çelik po zbarkojnë në Shqipëri për të mbështetur bum-in e ndërtimeve, si për pallate të reja ashtu edhe për ndërhyrje në banesat ekzistuese.
Sipas të dhënave të Institutit të Statistikave, importi i çimentos dhe gëlqeres përbërës kyç në prodhimin e betonit është rritur me 39%, duke kapur shifrën e afro 887 mijë tonëve gjatë vitit të kaluar.
E njëjta rritje është vërejtur edhe në importin e çelikut, një material thelbësor për ndërtimin e themeleve dhe kolonave.
Në pesë vitet e fundit, në Shqipëri janë importuar rreth 800 mijë ton çelik, me një rritje prej 13%, sipas INSTAT.
Kjo dinamikë reflektohet edhe në lejet e ndërtimit. Vetëm gjatë vitit 2023 janë dhënë 1,602 leje për projekte të ndryshme, që variojnë nga pallatet dhe shtëpitë private, deri te kapanonet për qëllime biznesi.
Duke përjashtuar vendet fqinje si Italia, Mali i Zi apo Maqedonia e Veriut, pjesa më e madhe e materialeve të ndërtimit po vjen nga Azia dhe Afrika – dy kontinente të pasura me lëndë të para dhe çmime konkurruese.
Nga India në Lindje, deri te Egjipti dhe Tunizia në brigjet e Mesdheut, këto vende kanë traditë të gjatë në përpunimin e materialeve ndërtimore një trashëgimi të gjatë.
Po ashtu duhet thënë se pjesa tjetër e materialeve të ndërtimit prodhohen në vend. Ndërkohë që Shqipëria është edhe eksportuese e çimentos dhe hekurit për ndërtim./Tv Scan
