“Ktheje pronën e të parëve në mundësi të artë!” Rama: Ja si përfitoni nga Paketa e Maleve

Shtëpia e gjyshit është harruar? Aty ku ke kujtimet më të bukura, ajri i pastër, bari i nomë kërcitja e zjarrit?  E ke menduar që kjo tokë mund të bëhet mundësia jote e artë?” Kështu nis videoja e publikuar mëngjesin e sotëm nga kryeministri Edi Rama në rrjetet sociale, teksa bën thirrje për të aplikuar në paketën e maleve. Sipas tij me ligjin e ri u jepet mundësi reale dhe lehtësira pronësie, ndërtimi dhe fiskale të gjithë atyre që duan të kthehen në tokat e të parëve dhe duan të ndërtojnë një biznes.

“Ktheje në një bujtinë që mirëpret vizitorë! Hap një agroturizëm ku tradita takohet me të ardhmen! Krijo një qendër aktivitetesh malore dhe sportive. Me paketën e maleve nuk je vetëm. Procedura të thjeshtuara pronësie e ndërtimi lehtësira fiskale, turizëm gjithësezonal dhe zhvillim ekonomik.

Kthimi i diasporës. Paketa e maleve është ura që lidh të drejtën zakonore me pronësinë e ligjshme nga toka e të parëve në biznesin tënd të së ardhmes. Puno dhe jeto aty ku ke zemrën!”, thuhet më tej në videon e publikuar nga kryeministri.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern