Cilët janë sektorët më të targetuar nga sulmet kibernetike?

Nga Aurora Sulçe, Producente Ekzekutive për Biznesin në A2 CNN

Kjo është Java Globale e Parasë. Këtë vit, slogani është “Ndiq me mençuri, begati në ardhmëri”. Në fokus është mbrojtja nga keqbërësit dhe vjedhja e llogarive online, që po shtohen bashkë me zhvillimin teknologjik.

Por si paraqitet Shqipëria në raport me sulmet kibernetike? Gjatë 2 viteve të fundit, vendi ka qenë në mënyrë të vazhdueshme pre e sulmeve kibernetike, ku vetëm gjatë 2023 ishin 46 të tilla. Ndërkohë që vitin e kaluar u regjistrua një numër më I vogël, me vetëm 20 sulme kibernetike.