LIGJET E BIZNESIT
Të dhënat zyrtare nga Banka e Shqipërisë, të përfshira në raportin vjetor për vitin 2023 tregojnë se totali i rezervës valutore të vendit në fund të vitit 2023 është 5.8 miliardë euro. Në këtë rezervë valutore përfshihet edhe ari monetar. Gjithsesi, deri në fund të vitit të kaluar, në arkën e Bankës së Shqipërisë gjendeshin 3.38 ton ar. Por, sa e madhe është kjo rezervë krahasuar me vendet e tjera? Ndërkohë, nisur nga të dhënat e Bordit Botëror të Ari, në dhjetor të vitit 2024, Shqipëria kishte 3.42 ton ar.
Shifrat e analizuara nga “Scan Intel” tregojnë se Shqipëria është ndër vendet e fundit në Europë sa i përket rezervës valutore në ar. Sipas shifrave, Sllovenia, Luksemburgu, Islanda, Bosnje Hercegovina, Estonia dhe Malta vlerësohet të kenë rezerva valutorë në ar më të vogla se Shqipëria. Për Serbinë ndërkohë, rezerva në ar fiksohet në rreth 48 ton, për Maqedoninë e Veriut në 6.9 ton, ndërsa për Bosnje Hercegovinën në rreth 1.5 ton.
Ndërkohë, krahasuar me popullsinë sipas Censit të vitit 2023, 3.38 ton rezerva valutore, përkthehen në rreth 1.4 gram për frymë. Por sa është ky rapot në vendet e Ballkanit Perëndimor.
Në Serbi ky raport rezulton ne gati 7 gram për frymë. Raporti i arit për frymë në Maqedoninë e Veriut rezulton në 3.7 gram, ndërsa në Bosnje Hercegovinë vlera është shumë me ulët, në vetëm 0.47 gram për frymë.
Shtetet e Bashkuara të Amerikës mbajnë vendin e parë në nivel global, me rezervat valutorë në ar që fiksohen në rreth 8133 ton. Gjermania ndërkohë, është e para në Europë dhe e dyta në botë, me 3352 ton ar në arkën e Bankës Qendrore. Më pas ndjekin Italia, Franca, Rusia dhe Zvicra, që mbyllin 5 vendet e para të listës./ Tv Scan
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
