Airbnb: Destinacione që duhet t’i vizitoni patjetër këtë pranverë

Duket sikur pranvera në hemisferën veriore më në fund ka nisur dhe kjo kohë e vitit është veçanërisht e bukur për të parë botën. Për të na dhënë një frymëzim të ri udhëtimi, Airbnb sapo ka zbuluar një listë të destinacioneve më në trend, që kanë parë rritjen më të madhe në kërkime krahasuar me pranverën e 2024-ës. Një nga qytetet në renditje është Amsterdami, kryeqyteti i bukur holandez, i cili pa dyshim bëhet edhe më i bukur në këtë periudhë të vitit. Pse? Për tulipanët sigurisht!

Amsterdam, Holandë

Mund të shkoni në vendet e njohura të tulipanëve si Keukenhof nga fundi i marsit dhe të mrekulloheni me një nga ekspozitat më të bukura të luleve të pranverës në botë. Por Amsterdami duhet të jetë gjithashtu në radarin tuaj këtë vit, për shkak të një ngjarjeje shumë të rëndësishme – festimeve të 750-vjetorit të qytetit. Gjatë gjithë vitit 2025 do të ketë festa të mëdha, koncerte, ekspozita dhe shumë të tjera, kështu që shikoni se çfarë do të ndodhë gjatë muajve të ardhshëm..

Ubatuba, Brazil

Destinacione të tjera përfshijnë Ubatuba, një destinacion mahnitës bregdetar në shtetin São Paulo në Brazil (një vend i mrekullueshëm nëse ju pëlqen surfing) dhe Milano, kryeqyteti i modës në Itali.

Destinacionet për t’u vizituar këtë pranverë, sipas Airbnb:

1. Amsterdam, Holandë
2. Bazel, Zvicër
3. Ubatuba, Brazil
4. Gulf Shores, SHBA
5. Taito City, Japoni
6. Këln, Gjermani
7. Milano, Itali
8. Stillwater, SHBA
9. Korfuz, Greqi
10. Punta Cana, Republika Dominikane

Timeout