LIGJET E BIZNESIT
Për shkak se 31 marsi, afati zyrtar për plotësimin dhe dorëzimin e deklaratës vjetore të të ardhurave për individët është pushim, për shkak të festës së Fiter Bajramit, DIVA shtyhet për një 1 prill. Njoftimi është bërë nga administrata tatimore. Ky institucion rikujton gjithashtu qytetarët që të deklarojnë të ardhurat e fituara nga platformat sociale.
Sipas të dhënave, janë rreth 144 mijë qytetarë që duhet të plotësojnë deklaratës individuale së të ardhurave vjetore DIVA 2024. Detyrimin për të plotësuar DIVA-n e kanë të gjithë ata që kanë të ardhura vjetore mbi 1.2 mln lekë. Ata punonjës, ose biznese që nuk deklarojnë të ardhurat e tyre do të gjobiten 3 mijë lekë dhe nëse gjoba nuk shlyhet, atëherë vepron përmbarimi.
Ndërkohë, administrata tatimore nëpërmjet një njoftimi ka rikujtuar se deri në datën 1 prill duhen deklaruar të ardhurat, që individët kanë përfituar nga platformat sociale. Referuar njoftimit, rezultojnë se individët kanë fituar rreth 33 milionë euro nga këto platforma.
“Nga verifikimet paraprake me bankat rezultojnë rreth 33 milion euro të ardhura nga individët për platformat Meta, Facebook, Youtube, Google etj. Administrata Tatimore fton tatimpaguesit t’i deklarojnë këto të ardhura në Diva 2024. Afati final i dorëzimit të DIVA 2024 është data 1 prill”, thuhet në njoftimin e administratës tatimore
Në Shqipëri, TikTok numëron rreth 1.4 milionë përdorues, Facebook dhe Instagram kanë secili rreth 1.2 milionë përdorues, ndërsa platforma “X” e Elon Musk numëron rreth 200 mijë përdorues në Shqipëri.
