“Skifterët e zinj” tashmë mund të fluturojnë edhe pa pilot!

SkyOS është një sistem operativ i ri për aviacionin, zhvilluar nga Skyryse, një kompani teknologjie me seli në El Segundo, Kaliforni. Ky sistem është krijuar për të bërë fluturimin më të thjeshtë dhe më të sigurt. Ai përdor një sistem kontrolli “fly-by-wire” me tri shtresa rezervë dhe kontrollohet nga një komandë e vetme dhe dy ekrane me prekje.

SkyOS e mban gjithmonë aeroplanin brenda një “mjedisi të sigurt”, duke procesuar vazhdimisht hyrjet nga piloti, kushtet mjedisore, gjendjen e aeroplanit dhe parametrat e fluturimit. Ky sistem mundëson menaxhim të plotë automatizuar të fluturimit, duke përfshirë aftësinë për të mbajtur një fluturim të qëndrueshëm dhe për të realizuar fluturime sipas rregullave të autoriteteve ajrore (IFR).

Një aspekt unik i SkyOS është mundësia e pilotimit opsional, që i lejon aeroplanëve të fluturojnë pa pasur nevojë për një pilot në bord. Ky veçori është veçanërisht e rëndësishme për misionet ushtarake, të cilat përfshijnë skenarë me rrezik të lartë ose transport që nuk përfshin pasagjerë.

Marrëveshja me Ushtrinë e Shteteve të Bashkuara synon të përmirësojë procesin e trajnimit të pilotëve dhe të rrisë kapacitetet operative të helikopterëve Black Hawk, duke mundësuar që misionet të kryhen me më pak rrezik për personelin ushtarak.

Kjo mund të revolucionarizojë strategjitë operacionale në fushat e luftës dhe në misionet e transportit të ngarkesave. Black Hawk (Skifteri i zi) është një nga helikopterët më të avancuar të forcave amerikane, ku deri tani edhe Shqipëria ka arritur të blejë dy prej tyre, ndërsa synon të blejë 6 të tillë. Po ashtu, edhe Albin Kurti është shprehur në deklaratat e fundit se edhe Kosova do të blejë helikopterë të tillë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern