LIGJET E BIZNESIT
Tashmë qiratë afatshkurtra janë kthyer në një biznes të mirëfilltë për shumë individë të cilët marrin me qira afatgjatë struktura të ndryshme dhe më pas i japin me qira ditore, ndërsa një e ardhur ekstra për një segment tjetër qytetarësh të cilët kanë një apartament në pronësi në të cilin nuk banojnë dhe e punojnë atë përmes platformave Booking dhe AirBNB.
Fitimet në këtë rast janë të ndryshme për ata që e kanë si biznes, pasi kostot janë të shpërndara dhe më të ulëta, dhe për ata individë që kanë vetëm një strukturë.
Por cili është raporti i të ardhurave dhe shpenzimeve që ka sot një apartament me qira ditore?
Referuar të dhënave nga agjencitë immobiliare një apartament 1+1 në Tiranë, ka një çmim mesatar prej 45 euro nata dhe rezulton të jetë i zënë në mesatarisht 22 netë në muaj.
Të ardhurat e këtij apartamenti janë 22 netë X 45 euro, mesatarisht 990 euro apo rreth 1000 euro në muaj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sa i takon shpenzimeve, për rezervime në rreth 1000 mijë euro, komisioni i “Booking” është rreth 140 euro dhe mbi këtë komision individi paguan edhe 20 % TVSH apo 28 euro duke e çuar detyrimin total ne 168 euro. Kosto tjetër është tatimi mbi të ardhurat nga ky aktivitet në nivelin 15 %, i cili në këtë shembull llogaritet në 150 euro. Ndërkohë në kosto përfshihet dhe pastrimi, i cili varion 25 euro për një shërbim dhe nëse e marrim në bazë qëndrimin tre ditor për turistët, detyrimi arrin në 200 euro, kosto detergjentesh 20 euro në muaj, dhe fatura dritash edhe uji, mesatarisht 70 euro në muaj.
Pra fitimi neto për një apartament i cili presupozohet të jetë i zënë 22 ditë në muaj është 392 euro apo afro një pagë minimale. Por në shpenzime nuk janë përfshirë problematika të ndryshe që mund të ndodhin me mobilet, apo nevojat për riparime. E thënë ndryshe fitimi mujor për këtë njësi, arrin në nivelin e një apartamenti me qiraafatgjatë, i cili nuk kërkon këtë angazhim për të krijuar të ardhura./Tv Scan
