LIGJET E BIZNESIT
Tregu i pasurive të paluajtshme i është rikthyer shit-blerjeve normale. Kjo pasi ngeci për gjithë pjesën e dytë të vitit të shkuar në pritje të amnistisë së rivlerësimit. Me rikthimin e tregut në normalitet, shtimi i transaksioneve të shitjeve dhe blerjeve po ndikon edhe në shtrenjtimin e çmimeve.
Pasi ngeci për gjithë pjesën e dytë të vitit të shkuar në pritje të amnistisë së rivlerësimit, tregu i pasurive të paluajtshme i është rikthyer shit-blerjeve normale.
“Pati një ngërç që bllokoi apartamente që rishiten doku iu dhënë hov veçanërisht pronave të reja. Tani kemi transaksione normale”, thotë Ervin Demirxhiu, ekspert i pasurive të patundshme.
Me rikthimin e tregut në normalitet, shtimi i transaksioneve të shitjeve dhe blerjeve po ndikon edhe në shtrenjtimin e çmimeve.
“Ai “normaliteti” i rritjes së çmimeve po vijon këtë fillim-vit ndonëse jo me të njëjtat ritme si gjatë viteve të mëhershme”, thekson Demirxhiu.
Veç shtimit të kërkesës, shtrenjtimi i lëndëve të para po ndikon në rritjen e çmimeve të apartamenteve.
“Ne e kemi ndjerë në çdo hapësirë, jo vetëm të ndërtimit rritjen e kostos së ndërtimit. Për shkak të rritjes së kostove të lëndëve të para, karburanti është rritur. Në tregjet rajonale dhe ato më gjerë ka rritje të kostove”, shprehet Ilir Hebovija, nga Shoqata e Ndërtuesve.
Pritshmëritë janë që ndërtimet e reja dhe çmimet e larta të vijojë edhe për të paktën edhe një dekadë. Sipas analizës së Bankës së Shqipërisë, rritja e të ardhurave si pasje e pagave më të larta dhe kushtet ende të favorshme të kreditimit gjithashtu kanë ndikuar në rritjen e kërkesave për blerje duke shtrenjtuar rrjedhimisht çmimet.
“Do të thotë se nevoja për investim dhe nevoja për ndërtim të jetë po e lartë siç ka qenë në këtë 10 vitet e fundit. Sipas asaj që ne parashikojmë, do të jetë kështu edhe në 10-15 vitet e ardhshme”, thekson Hebovija.
Më shumë se sa nga lëvizjet demografike, çmimet e banesave në vend janë shtrenjtuar nga shtimi i kërkesës për blerje të apartamenteve nga shqiptarët që jetojnë jashtë. Në këtë përfundim ka arritur Banka e Shqipërisë, në një studim ku analizohen faktorët që kanë shtrenjtuar me mbi 14 mijë lekë qiratë në Tiranë në 5 vitet e fundit
