LIGJET E BIZNESIT
Nga data 3 mars do të ndalohet çdo procedurë rekrutimi e re në administratën shtetërore gjatë periudhës zgjedhore për zgjedhjet e përgjithshme të 11 majit. Lajmin e ka dhënë ministrja e Shtetit për Administratën Publike dhe Antikorrupsionin, Adea Pirdeni, në një deklaratë ëpr emdiat pas mbledhjes së qeverisë.
Sipas saj procedurat e nisura të rekrutimit duhet të përfundojnë, ndërsa në asnjë ministri, institucion apo shoqëri aksionere ku shteti është pronar, nuk do të lejohet rregullimi i procedurave të reja për punësime. Nga ky vendim bëjnë përjashtim rastet emergjente në fushat e infrastrukturës kritike, shëndetësisë, arsimit dhe mbrojtjes.
“Që prej datës 3 mars do të ndalohet çfarë do lloj procedurë rekrutimi, që të marrin në punë punonjës të rinj, procedurat e nisura duhet të përfundojnë. Në asnjë ministri, institucionet e varësive dhe në të gjitha ato shoqëria aksionere ku shteti është pronar nuk do ketë procedura të reja rekrutimi, vetëm për nevoja emergjente në fusha si infrastruktura kritike, shëndetësia, arsimi ose mbrojtja”, deklaroi ministrja Pirdeni.
Sipas saj, kjo masë ka për qëllim të sigurojë një proces zgjedhor të ndershëm dhe të parandalojë përdorimin e burimeve njerëzore të administratës shtetërore për ndikim politik.
