LIGJET E BIZNESIT
Nga Aurora Sulçe, Producente Ekzekutive për Biznesin në A2 CNN
Mënyra sesa investojmë dhe ku investojmë, përcakton jo vetëm fuqinë tonë financiare, riskun që marrim përsipër, por edhe modelin e ekonomisë. Thënë ndryshe, mënyrën sesi zhvillohet ajo dhe sektorët që konsiderohen më fitimprurës.
Të dhënat tregojnë se numri ndërmarrjeve aktive në vendin tonë i ka kapërcyer 117 mijë, duke shënuar një rritje me gati 4 mijë biznese ose 3.4% në harkun kohor të një viti. Bëhet fjalë kryesisht për biznese të vogla dhe të mësme, të cilat nuk kërkojnë kapital të madh për të nisur dhe as analiza të thelluara tregu.
Vitet e fundit ekonomia shqiptare është orientuar më shumë nga turizmi dhe ndërtimi dhe më pak nga prodhimi.
Nga 117 mijë ndërmarrje në total në fund të vitit 2023, mbi 97 mijë apo gati 83% e totalit ishin në tregti, shërbime, akomodim e ndërtim. Ndërkohë numri i bizneseve të industrisë prodhuese e përpunuese është i paktë dhe është tkurrur vitet e fundit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Shtimi i numrit të bizneseve është shoqëruar edhe me rritje të numrit të të punësuarve. Megjithëse fuqia punëtore mbetet problem kryesor që po hasin aktualisht ndërmarjet në Shqipëri.
Të dhënat tregojnë se në total janë 560 mijë individë të punësuar në bizneset në vend. Kjo shifër është zgjeruar me 2.2 për qind në harkun e një viti.
