LIGJET E BIZNESIT
Meteorologia Tanja Porja ka zbuluar sesi do të jenë kushtet e motit përgjatë ditëve në vijim.
Sipas saj, gjithë java në vijim do të jetë me mot të paqëndrueshëm dhe në territor do të kthehen reshjet e shiut dhe do të ngrihen temperaturat.
Porja tha se era do të ndryshojë drejtim, nga ai veri-perëndimor në atë jug-perëndirmo, gjë që sipas saj do të bëjë të mundur rritjen e temperaturave.
Sipas meteorologes, temperaturat do të rriten me rreth dy gradë gjatë këtyre ditëve, rritje e cila sipas saj ka nisur që mëngjesin e ditës së sotme.
“Gjithë java do të jetë me mot të paqëndrueshëm. Vranësira të shpeshta dhe reshje të pakta. Sot dhe të martën, deri mesditën e së mërkurës. Pjesa e dytë e së mërkurës dhe dita e enjte do të ketë rebeshe afatshkurtra në territor. E premtja dhe e shtuna do të kenë sërish reshje, por në sasi të pakta.
Jo vetëm reshje shiu, por edhe reshje dëbore, megjithëse termometri ka shënuar rritje të ndjeshme në orët e para të mëngjesit. Ndërsa në mesditë sikurse ka qenë gjatë fundjavës. Sot kemi rreth 16 gradë celcius temperaturat në rang territori, ndërsa temperaturat minimale jo më poshtë sesa -2 gradë celcius. -2 gradë në zonat e thella malore, ndërsa në zonat e ulëta dhe bregdet, termometri i mëngjesit të sotëm luhatet nga 4-5 deri në 8 gradë.
Do të kemi erë të lehtë me drejtim perëndimor dhe veri-perëndimor gjatë ditës së sotme, ndërsa nga nesër në vijim kryesisht jug-perëndimore, çka nënkupton rritje të temperaturave dhe kthim të reshjeve”, tha meteorologia Porja./A2 CNN
