LIGJET E BIZNESIT
Komisioni parlamentar i Ligjeve ka pezulluar nismën e qeverisë pr të dhënë mallet me çmimin 1 euro. Bëhet fjalë për projektligjin për “Paketën e Maleve”, që synon zhvillimin e ekonomisë malore. Deputetët e opozitës kërkuan një shtyrje të afatit të shqyrtimit, referuar edhe nga kërkesa e 35 përfaqësueësve të organizatave të shoqërisë civile.
“Në emër të 35 përfaqësuesve të organizatave të shoqërisë civile, kërkojnë shtyrjen e diskutimit të këtij projektligji. Ky projektligj do të duhet të konsultohet për të paktën 40 ditë për të siguruar transparencë më të gjerë”, ka deklaruar Dhurata Çupi, deputete e PD-së.
Por, dakordësinë e shtyrjes së projektligjit e dhanë dhe deputetët socialistë, ku theksojnë domosdoshmërinë e një diskutimi të këtij projektligji.
“Unë në parim jam dakord. Është një projektligj që ka nevojë për një diskutim”, është shprehur socialisti Pandeli Majko.
“Paketa e Maleve”, është një projekligj ku fokusin e ka në zhvillimin e ekonomisë në 100 fshatrat malorë në Shqipëri, duke zhvilluar zonat e thella turistike, nxitjen e investimeve, si dhe ofrimit të mundësive të punësimit”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
