Luftë tregtare SHBA-BE? Unioni: Do të kundër-përgjigjemi ndaj tarifave të aluminit dhe çelikut

Bashkimi Europian paralajmëroi për një kundërpërgjigjie të fortë dhe proporcionale pas vendimit të Presidentit Donald Trump për të vendosur tarifa ndaj të gjitha importeve të çelikut dhe aluminit, duke përshkallëzuar shqetësimet për një luftë tregtare.

Trump firmosi urdhërat të hënën duke rritur tarifat amerikane për aluminin në 25 % nga 10 % që ishin, duke eleminuar përjashtimet për vende të caktuara dhe marrëveshjet e koutave, ashtu si qindra mijëra dollarë përjashtime tarifash për produkte specifike për të dyja metalet.

Masat do të hyjnë në fuqi më 4 mars, siç konfirmoi një zyrtar i Shtëpisë së Bardhë. Tarifat do të aplikohen te miliona tonë importe alumini dhe çeliku nga Kanadaja, Meksika, Koreja e Jugut dhe vende të tjera që deri më tani kishin hyrë në SHBA pa taksa.

Presidentja e Komisionit europian Ursula von der Leyen tha se ndjente keqardhje të thellë për vendimin e SHBA, duke thënë se tarifat do të dëmtonin bizneset dhe aq më shumë konsumtatorët. Përgjatë dekadës së fundit, BE ka eksportuar 3miliard euro çelik në vit.

“Tarifat e pajustifikuara nuk do të mbeten pa përgjigjie. Ato do të shoqërohen me kundërmasa të vendosura dhe proporcionale. BE do të veprojë për të mbrojtur interesat e veta”, tha Ursula Von Der Leyen, shkruan A2 CNN.

Gjithashtu Kancelari gjerman Olaf Scholz i tha Parlamentit të martën se BE do të reagojë njëzëri ndaj masave të SHBA.

“Si tregu më i madh në botë, me 450 milion qytetarë, kemi fuqinë për ta bërë diçka të tillë”, ishin fjalët e Scholz. Ndërsa ende nuk janë dhënë detaje se cila mund të jetë kundërpërgjigjia e BE, një opsion do të ishte riaktivizimi i tarifave që blloku vendosi në 2018 e që u pezulluan mbi bazën e një marrëveshje të dakordësuar mes Von Der Leyen dhe presidnetit të atëherëshem, Joe Biden, shkruan A2 CNN.

Po ashtu kryeministri kanadez Justin Trudeau i cilësoi tarifat si të papranueshme, dhe paralajmëroi kundërpërgjigjie. Kur është pyetur më herët mbi mundësine e masave që mund të marrin vendet ndaj tarifave të reja, Trump ka thënë se kjo nuk i intereson.