Kush i bleu produktet bujqësore shqiptare? Kamboxhia dhe Taxhikistani provuan “Made in Albania” për herë të parë

Në vitet e fundit, eksportet bujqësore shqiptare po njohin një rritje të qëndrueshme, duke kontribuar në zhvillimin ekonomik të vendit. Me një fokus të veçantë në diversifikimin e tregjeve, përmirësimin e cilësisë së produkteve, Shqipëria ka potencialin të zgjerojë më tej prezencën e saj në tregjet ndërkombëtare.

Sipas të dhënave të fundit për vitin 2024, eksportet e grupmallrave “Ushqim, pije, duhan” vlerësohen në rreth 53 miliardë lekë, ose rreth 530 milionë euro. Në harkun kohor të 20 viteve vihet re një rritje e lartë e eksporteve të produkteve bujqësore, megjithatë, krahasuar me vitin 2023 shohim se zhvlerësimi i monedhës së përbashkët europiane nuk i ka kursyer. Rekordi i ekporteve për këtë grup regjistrohej pikërisht në vitin 2023, me një vlerë prej 55.6 miliardë lekësh.

Po cilat vende po i preferojnë më shumë produktet bujqësore shqiptare?

Italia mbetet partneri kryesor tregtar i Shqipërisë, duke përbërë një pjesë të madhe prej 13.8 miliardë lekësh. Kosova, Greqia dhe Serbia janë gjithashtu destinacione të rëndësishme për eksportet bujqësore shqiptare, pasuar nga Shtetet e Bashkuara, Maqedonia e Veriut, Gjermania, Spanja dhe Koracia. Bosnje Hercegovina mbyll “Top 10” partnerët kryesorë në drejtim të eksporteve të produkteve bujqësore.

Por me cilët nga këto patëm rritje dhe rënie të eksporteve?

Shtetet e Bashkuara, Maqedonia e Veriut, Spanja dhe Bosnje Hercegovina blenë më shumë produkte bujqësore se në vitin 2023. Ndërkohë, eksportet me partnerët e tjerë kryesorë shënuan rënie.

Të dhënat flasin edhe për tregje të reja në vitin 2024. Sipas shifrave produktet bujqësore shiptare kanë shkuar për herë të parë në Kamboxhia dhe Taxhikistan

Megjithatë, eksporti i produkteve bujqësore në Shqipëri po pengohet akoma në disa sfida që ndikojnë në rritjen dhe zhvillimin e këtij sektori, si qasja e kufizuar ne financë, kostot e larta të prodhimit, standartet e sigurisë ushqimore etj./Tv Scan

Ecuria historike e eksportit për grupin ” Ushqime, pije dhe duhan”

(në mld lekë)