LIGJET E BIZNESIT
Në sfidën në fushën e inteligjencës artificiale që sheh emra të mëdhenj si OpenAI, por edhe DeepSeek-un kinez, Elon Musk lançon Grok 3, chatbot-in më të fundit nga kompania e tij xAI, e themeluar në korrik 2023.
“Grok do të thotë të kuptosh universin”, tha ai duke shpjeguar se programi ishte trajnuar mbi të dhënat sintetike dhe përdor mekanizma vetë-korrigjues që shmangin gabimet.
Grok 3 do të jetë i disponueshëm fillimisht për abonentët e X dhe më pas do t’u shpërndahet përdoruesve të tjerë.
Musk hyn kështu në një fushë të mbushur me vende që garojnë për të prezantuar produkte më të sofistikuara dhe të përballueshme. Ashtu si startupi kinez DeepSeek, i cili tronditi industrinë disa javë më parë me lançimin e chatbot-it të tij me kosto të ulët R1, një sfidë e drejtpërdrejtë për ambiciet e Shteteve të Bashkuara për të udhëhequr botën në zhvillimin e teknologjisë.
Grok 3 do të përplaset gjithashtu me ChatGpt, duke vënë Musk kundër Sam Altman, një bashkëpunëtor i kthyer në rival të hidhur.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Javën e kaluar, bordi i OpenAI hodhi poshtë një ofertë të udhëhequr nga Musk për të blerë kompaninë për gati 100 miliardë dollarë.
