LIGJET E BIZNESIT
Institucionet nuk i shpenzuan dot të gjitha paratë e planifikuara gjatë vitit të shkuar. Nga mbi 771 miliardë lekë të përllogaritura, u përdorën vetëm 734.1 miliardë lekë. Teprica përllogaritet në rreth 37 miliardë lekë apo 370 milionë euro.
“Mos-realizimi i investimeve do të thotë praktikisht se nuk kemi arritur ato objektiva që kishim përcaktuar për vitin 2024 si rritja ekonomike, realizimi i investimeve etj”, tha Klodian Muço, pedagog, ekspert për ekonominë.
Të dhënat nga Ministria e Financave tregojnë ndërkohë se nga 128.5 miliardë lekë të planifikuara për investime, u shpenzuan vetëm 115 miliardë lekë. Ekspertët tregojnë edhe arsyet se pse tepruan 13.5 miliardë lekë. me kursin aktual të këmbimit rreth 135 milionë euro, shkruan A2 CNN.
“Në fakt ajo që u vu re muajt e fundit, që u përmend edhe nga funksionarë të rëndësishëm të qeverisë… vihet re një tendencë në zyrat shtetërore se po haset gjithnjë e më tepër vështirësi në zyrat shtetërore në realizimin e investimeve apo në firmosjen e financimeve të projekteve të caktuara për arsye burokratike, legale dhe kryesisht nga frika e institucioneve të drejtësisë”, tha Muço.
Ministria e Financave argumenton se shpenzimet patën ecuri të ngadaltë vjet për shkak të vonesave në procedurat tenderuese, vonesave në realizimin e projekteve si dhe në marrjen e fondeve të huaja. Por për ekspertët e njëjta nuk pritet të ndodhë këtë vit me zgjedhjet parlamentare në prag.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Po të shikoni edhe këto luhatjet e fundit euro-lek po vijnë edhe si pasojë e investimeve të shtuara të qeverisë që në ditët e para të janarit. Me zgjedhjet në prag, po ka një rritje të ndjeshme e cila pritet të vijojë të shpenzimeve të investime të ndryshme.”, u shpreh eksperti.
Të dhënat nga “financat” tregojnë se realizimin më të ulët të investimeve gjatë vitit të shkuar e ka Ministria e Ekonomisë, ndjekur nga ministria e Brendshme, ministria e Mbrojtjes, e Arsimit, e Bujqësisë, dhe e Infrastrukturës, ndërsa ecurinë më të mirë e ka pasur Ministria e Shëndetësisë./A2 CNN
