Ekonomia në qendër të fushatës në Kosovë. Ka shumë premtime, por a do të realizohen pas zgjedhjeve?

Partitë politike në Kosovë kanë vendosur në qendër të fushatës së tyre rimëkëmbjen ekonomike të vendit që përballet me papunësi, inflacion dhe nevojën për më shumë investime të huaja. Mes premtimeve janë rritja e pagës minimale në 500 euro, dyfishimi i pagave dhe pensioneve.

Kryetari i Odës Ekonomike të Kosovës, Lulzim Rafuna thotë se të gjitha projektet e paraqitura nga partitë politike do të ishin të dobishme për zhvillimin ekonomik të vendit nëse ka vullnet për zbatim nga një kabinet profesionistësh.

Sa i përket thithjeve të investimeve të huaja, Rafuna thekson se nëse do të realizohen programet ekonomike, do të shkaktonin një efekt zinxhir pozitiv, çfarë do të krijonte klimë të mirë për investimet e huaja në Kosovë.

Por, qytetarët shprehen skeptikë që qeveria e cila do të dalë nga zgjedhjet e 9 shkurtit, do të përmbushë premtimet ekonomike. Sipas tyre, prioritet duhet të jetë luftimi i informalitetit në ekonomi.

Kosova është edhe nën masa ndëshkuese të BE-së e nuk mund të përfitojë nga projektet kapitale nga Komisioni Evropian./A2 CNN

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern