Berberët janë në modë! Biznesi i prerjes së flokëve po fiton gjithnjë e më shumë terren

Industria e prerjes së flokëve, e njohur ndryshe si “Barbershop”, po fiton gjithnjë e më shumë terren në tregun e bizneseve në Shqipëri.

Sipas faqes “SmartScrapers”, në vend numërohen rreth 330 subjekte që ofrojnë shërbimin e berberit. Krahasuar me vitin 2023, numri i këtyre bizneseve është rritur me 17%.

“Njerëzit po qethen më shpesh, jo si dikur 1 herë në muaj. Tani ka raste që po vijnë të qethen edhe një herë në javë. Konkurrenca nga ana tjetër është rritur, dhe duke kërkuar gjithnjë e më shumë shërbime edhe çmimet janë rritur”, shprehet Joti Boverri, Berber

Pjesa më e madhe e këtyre bizneseve janë të përqendruara në kryeqytet.

Nga 330 flokëtore, 253 ndodhen në Tiranë. Megjithatë, kjo shifër është vetëm “maja e ajsbergut”, pasi shumë biznese, veçanërisht në zonat rurale, operojnë në informalitet. Me fokusin në kryeqytet kjo bën që shumë të rinj ta shohin si mundësi të mirë si profesion.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Kjo duket si një mënyrë më e lehtë për një të ri që nga një anë edhe të vazhdojë të punojë, por edhe të ketë mundëinë të hapi vetë biznesin e tij. Për këtë aryse kanë filluar të ndjekin kurse të tilla”, tregon në të tjera berberi Boverri.

Sipas të dhënave të “SmartScrapers”, 88.18% e flokëtore në Shqipëri janë biznese me pronësi të vetme, ndërsa pjesa tjetër janë pjesë e markave të mëdha.

Mosha mesatare e një “Barbershop” në Shqipëri është 2 vjet e 7 muaj, çka tregon një rritje të ndjeshme të bizneseve të reja në këtë sektor gjatë dy viteve të fundit./Tv Scan