Me naftë, benzinë apo gaz. Në përbërjen e karburanteve që përdorimin për lëvizjen e automjeteve në përditshmëri do të shtohen edhe biokarburantet. Lëndë djegëse të nxjerra kryesisht nga mbetjet organike bimore apo shtazore.
Projektligji i ridepozituar në Kuvend duket se do t’i jap zgjidhje ngërçit ndër vite, pas 2 iniciativave pa rezultat në 2008 dhe 2015. Nga viti 2026 deri në vitin 2030, kjo sasi do të rritet gradualisht me 1% në vit, me synimin që në vitin 2030 të jetë jo më pak se 7%.
“Iniciativë e vonuar, ka si qëllim përafrimin me direktivat e BE për përmirësimin e gazeve që lëshohen në mjedis. Duhej të ishte shoqëruar kohë më parë dhe me një vlerësim impakti se si do ndikojë në sektor të ndryshëm dhe kur se kemi si do ndikojë në bujqësi është një ligj i paplotë. Të drejtën për përzierjen e karburanteve do e kenë si ata të rafinerisë dhe ata që e tregtojnë për përzierjen finale”, tha eksperti i mjedisit, Rodion Gjoka.
Për rritjen e përdorimit të biokarburanteve projektligji parashikon një lehtësim të taksave si akciza, taksa e qarkullimit por dhe e karbonit.
Por a do të ndikojë kjo edhe në uljen e çmimit të karburanteve në tërësi në vend?
Tregtimi i biokarburanteve për një periudhe prej 10 vjetësh nga data e hyrjes ne fuqi te këtij ligji te jete i përjashtuar nga regjimi fiskal ne Republikën e Shqipërisë vetëm për sasinë e biokarburanteve të pastra.
“Qasja e duhur reduktimi fiskal. Por nëse ndalemi tek performanca e përdorimit të biuokarburanteve ka një reflektim të mirë për ato makina të prodhuara pas viti 2017 ndërsa për vitet më para shfaqin problem të mirëmbajtjes. Hyrja deri në masën 7% do të ndikojë në çmimin final nga 175 lekë që është sot nafta në 168 lekë, 3-4% reduktim”, shtoi Gjoka.
Sipas relacionit shoqërues, biokarburantet do të kushtojnë rreth 82.68 lekë/litër, sa gjysma e çmimit të karburanteve të tjerë në treg. Ndërsa detyrimi i subjekteve tregtuese do të jetë shtimi i përdorimit të këtyre lëndëve djegëse deri në 7% në 2030.
