LIGJET E BIZNESIT
Qeveria do të krijojë Bankën Shqiptare të Zhvillimit, një nismë e kërkuar në fakt prej vitesh nga biznesi, që kishte pak apo aspak akses në financë. Thënë ndryshe, e kishte të vështirë të merrte kredi apo vuante interesat e larta dhe procedura të tjera të bankave.
Sipas projektligjit të hedhur për konsultim publik, Banka Shqiptare e Zhvillimit do të financojë ndërmarjet e vogla dhe të mesme, duke përfshirë mikrondërmarjet dhe start up-et, bujqësinë dhe investimet e gjelbërta.
Qeveria ka përcaktuar edhe objektivat e Bankës Shqiptare të Zhvillimit.
Ajo synon mbështetjen e sipërmarrjeve shqiptare; promovimin e eksporteve; mbështetjen e projekteve me rëndësi për zhvillimin ekonomik dhe zhvillimin e Infrastrukturës Fizike dhe Digjitale.
Por sa banka dhe institucione të tjera që japin kredi ka sot në tregun financiar shqiptare? Për të kuptuar madhësinë dhe potencialet e këtij tregu.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në Shqipëri ofrojnë shërbimet e tyre 11 banka tregtare, me kapital vendas dhe të huaj, si dhe 39 subjekte financiare jo banka. Vlen të theksohet se asnjë nga bankat aktive sot nuk është një bankë investimesh. Thënë ndryshe që të ketë objektiv kryesor financimin e ekonomisë dhe sektorëve të ndryshëm, përfshi ata me risk të lartë.
