Paketa e qeverisë/ Malet do të jepen me 1 euro, kush përfiton?

Nga Aurora Sulce, Producente Ekzekutive për Biznesin në A2 CNN

Qeveria parashikon të japë me cmimin 1 euro edhe zonat malore, me potencial zhvillimi. Është ky thelbi i projektligjit të quajtur “Paketa e Maleve” të miratuar në mbledhjen e fundit të Këshillit të Ministrave. DRafti parashikon lidhjen e një kontate mes shtetit dhe privatit për marrjen nën shfrytëzim të tokës. .

Por cilat toka do t’i jepen privatit apo ndryshe, investitotit?

Projektligji parashikon që për t’u shpallur një zonë si prioritare për zhvillim, duhet të argumentohet potenciali i saj ekonomik, industrial apo turistik. Ministri për pushtetin vendor, me kërkesë të bashkisë, i propozon qeverisë shpalljen e territorit të bashkisë apo të pjesës malore të atij territori si zonë zhvillimi.

Por si do të bëhet kalimi i këtyre pronave tek private dhe cilët do të jenë përfituesit?

Pas shpalljes nga qeveria të zonës prioritare për zhvillim, individët ose subjektet që zotërojnë pasuri shtetërore në këto zona pa titull pronësie mund të aplikojnë për njohjen si “posedues jopronarë”. Ata do të paguajnë cmimin simbolik 1 euro dhe do t”iu jepet një leje ndërtimi 2 vjecare. Numri i përfituesve do të jenë maksimumi 500 subjekte.

Për të zhvilluar zonën, për këta individë apo subjekte do të ofrohen edhe përjashtime nga taksat.

Ata nuk do të paguajnë taksën e ndikimit në infrastrukturë; taksën e pasurive të patundshme; do të përjashtohen nga TVSH-ka; si dhe nga tatimi mbi të ardhurat. Këto lehtësi fiskale do të jepen për një periudhë 10 vjecare.