LIGJET E BIZNESIT
Nga Aurora Sulce, Producente Ekzekutive për Biznesin në A2 CNN
Ekonomia shqiptare po shfaq paradokse të forta, duke dëshmuar dy qasjet krejt të kundërta që kanë lidhur me ecurinë e saj: qeveria nga njëra anë dhe qytetarët nga ana tjetër. Teksa vendi shënon rritje ekonomike, relativisht në nivele të kënaqshme, konsumatorët ndihen pesimistë. Ndërkohë që duhet të ndodhte krejt e kundërta.
Rritja ekonomike e vendit në vitin 2024 pritet të jetë rreth 3.9%, edhe pse kjo e dhënë zyrtarisht ende nuk është bërë publike. I njëjti nivel rritje parashikohet edhe gjatë këtij viti.
Teorikisht, kjo rritje duhet të përkthehej në më shumë vende pune dhe në shtim të të ardhurave të disponueshme të qytetarëve, duke i bërë ata të lumtur. Gjë që nuk ka ndodhur.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Konsumatorët dhe të gjithë sektorët e ekonomisë, si shërbimet, tregtia, industria dhe ndërtimi kanë rënie të besimit muajin e kaluar. Ky pesimizëm ndodh në dhjetor, periudha e festave të fundvitit, ku të gjithë aktorët e ekonomisë, qofshi biznese apo qytetarë kanë prirjen për të shpenzuar më shumë për shkak të entuziazmit të festave. Por këtë vit, besimi në ekonomi ka rënë me 3.8%, duke mos I lënë aspak vend gëzimit.
Por pse konsumatorët janë pesimistë?
Sipas vrojtimit të Bankës së Shqipërisë, vlerësohet në rënie perceptimi për situatën financiare aktuale; pamundësinë për të bërë blerje të mëdha; nivelin e çmimeve dhe situatën e përgjithshme ekonomike.
