Ndryshon gjeografia e tregtisë së Shqipërisë, Kina bëhet partneri i dytë tregtar

Zhvillimet gjopolitike në botë, rritja e kostove më shumë vende, por edhe ekspansioni ekonomik I Kinës e kanë shndërruar këtë të fundit në partnerin e dytë tregtar më të rëndësishëm të Shqipërisë. Këtë vend më përpara e mbante Greqia. Të dhënat e Institutit të Statistikave tregojnë se gjatë viit 2024, gjeografia e vendeve, me të cilët realizojmë shkëmbimet tregtare ka ndryshuar.

INSTAT vlerëson se shkëmbimet tregtare, për vitin 2024, me vendet e Bashkimit Europian zënë 57,4 % të gjithë tregtisë, Gjatë këtij viti, eksportet drejt vendeve të BE-së zënë 71,7 % të eksporteve gjithsej dhe importet nga vendet e BE-së zënë 51,5 % të importeve gjithsej. Partnerët kryesorë tregtarë janë: Italia (27,8 %), Kina (8,5 %), Turqia (8,0 %) dhe Greqia (7,2 %)

Të dhënat e detajuara tregojnë se gjatë vitit që sapo u mbyll, Shqipëria ka pasur uljen më të madhe të eksporteve, në krahasim me një vit më pare me Italinë (13,9 %), Kosovën (9,8 %), Greqinë (18,2 %), etj. Ndërsa vendet me të cilin eksportet kanë pasur rritjen më të madhe, janë: Kina (3,5 %), etj.

Gjatë këtij viti, vendet me të cilët Shqipëria ka pasur rritjen më të madhe të importeve, në krahasim me një vit më parë, janë: Kina (4,2 %), Turqia (14,2 %), Greqia (19,7 %), etj. Ndërsa vendet me të cilat importet kanë pasur uljen më të madhe janë: Italia (2,3 %), Maqedonia e Veriut (14,9 %), Zvicra (29,8 %), etj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern