Kushti ndaj biznesit për fondin qeveritar, rritje profesionale e punonjësve dhe marketing

Jo më me para vetëm për infrastrukturë, teknologji apo zgjerim biznesesh. Fokusi i ndihmës qeveritare për ndërmarrjet e vogla e të mesme po zhvendoset drejt burimeve njerëzore. Ky është edhe një prej rekomandimeve kryesore të partnerëve ndërkombëtarë dhe Bashkimit Europian, në mënyrë që braktisja e vendit të ndalet.

Për bizneset që duan të përfitojnë nga fondet e shtetit duhet të kenë si qëllim kryesor trajnimin  e punonjësve për t’u përshtatur me hovin teknologjik të kohës. Në disa sektorë ndihma e shtetit këtë vit do të jetë në vlerën 100%.

Janë rreth 5 mijë e 842 ndërmarrje të vogla dhe 1 mijë  e 306 të mesme me numër punonjësish nga 10 deri në 249 në të gjithë Shqipërinë. Për të rritur konkurrueshmërinë në treg qeveria do t’u japë bizneseve deri në 22 milionë lekë. Vëmendje qeveria po i jep edhe sektorit të artizanatit me fonde që arrijnë deri në 10 milionë lekë.

Pas plotësimit të kritereve bizneset detyrohen edhe që fondin mbështetës nga qeveria ta përdorin për reklamim në rrjete sociale apo dhe panaire ndërkombëtare.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern