LIGJET E BIZNESIT
“Ekonomitë në zhvillim, nuk duhet të kenë iluzione për luftën që kanë përpara: 25 vitet e ardhshme do të jenë një betejë më e vështirë se çerekshekulli i kaluar”. Banka Botërore parashikon “kohë të vështira” për të gjithë në përgjithësi e për vendet e varfra si Shqipëria në veçanti.
“Duhet një plan i ri, një që forcon kapacitetin e tyre për të qëndruar vetë dhe për të shfrytëzuar mundësitë e rritjes kudo që mund të gjenden. Me politikat e duhura, disa sfida mund të shndërrohen në mundësi. Duke forcuar lidhjet tregtare me njëra-tjetrën e duke përshpejtuar reformat, ekonomitë në zhvillim mund të tërheqin më shumë investime të huaja”, deklaron Banka Botërore.
“Ekonomia globale është në rrugën e duhur për të regjistruar gjysmë dekadën e saj më të keqe të rritjes në 30 vjet”, thuhet në raportin “Perspektiva Ekonomike Globale 2025”, ku vlerësohet se Prodhimi i Brendshëm Bruto në botë do të rritet me më pak se 3 për qind këtë vit.
“Parashikimet tona thonë se ajo do të rritet me 2.7 për qind këtë vit dhe vitin tjetër, i njëjti ritëm si në vitin 2024. Kjo është më poshtë mesataren e 3.1 për qind që kishte mbizotëruar në dekadën para COVID-19. Në një kohë të pasigurisë globale mbesin shumë të larta në politikat ekonomike, ekonomitë në zhvillim do të ishte mirë të mos merrnin asgjë për të mirëqenë. Më mirë është të dyfishojnë përpjekjet për të marrë kontroll mbi fatin e tyre”, thekson Banka Botërore.
Banka Botërore parashikon se ekonomia e Shqipërisë do të rritet me 3.5 për qind këtë vit. Institucioni më i lartë monetar në botë vlerëson se në Rajon do të jetë Serbia vendi që pritet të udhëheqë rritjen ekonomike me 4.2 për qind, ndjekur nga Kosova dhe Mali i Zi. Me Shqipërinë që qëndron pak më poshtë se mesi i tabelës, Bosnje-Hercegovina dhe Mali i Zi janë dy shtet që pritet të kenë rritjen më të ulët ekonomike.
