LIGJET E BIZNESIT
Mbi 13 milionë euro në vetëm dy javë. Kaq para ka shpenzuar KESH për të blerë energji elektrike. Korporata Elektroenergjetike Shqiptare ka hapur dy tenderë me anë të së cilëve ka blerë 90 mijë e 920 megavat/orë energji, me çmim mesatar 146.2 euro.
Kjo për shkak të shtimit të konsumit për ngrohje, si pasojë e temperaturave t e temperaturave të ulëta dhe mungesës së reshjeve. Mungesa e reshjeve veçanërisht gjatë dhjetorit uli në 1 mijë e 112 metër rezervën hidrike në liqenin e Fierzës, më të madhin në kaskadën e Drinit.
Të dhënat nga bursa hungareze HUPX tregojnë se për shkak të kërkesës së lartë që shumë vende europiane po kanë, çmimi i energjisë elektrike po rritet. Nga pak më shumë se 112 euro të shtunën, një megavat energji është rritur në mbi 153 euro.
Kjo në një kohë që nga muaji i ardhshëm, energjia elektrike për abonentët familjarë do të kushtojë më pak. Nga 1 shkurti e të paktën deri në fundin e këtij viti, një kilovat orë energji elektrike e konsumuar nuk do të kushtojë më 9.5 lekë, por 8.5 lekë. Me gjithë tatimin mbi vlerën e shtuar, për çdo kilovat orë energji të konsumuar do të paguhen 10.2 lekë, në vend të 11.4 lekëve.
Qeveria e argumentoi vendimin me situatën e kënaqshme në sektorin elektroenergjetik e cila rrezikon të prishet nga mungesa e reshjeve në vend dhe rritja e çmimit të energjisë në bursa.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
