Me në qendër “Pasiguritë gjeo-ekonomike”, bashkë me tensionet tregtare e polarizimin kulturor. Davos-i, qyteti-resort alpin në Zvicër do të presë liderët e shteteve dhe kompanive më të fuqishme nga e gjithë bota në 20 deri më 24 janar. Në tryezat e diskutimeve të Forumit Ekonomik Botëror këtë vit, pjesë e së cilave pritet të ketë përfaqësues nga Shqipëria e Kosova bashkë me shtetet e tjera të Rajonit do të flitet edhe për klimën, natyrën, energjinë dhe keqinformimin.
Rreth 2.700 pjesëmarrës të profilit të lartë kanë konfirmuar tashmë pjesëmarrjen. Në fakt bileta e anëtarësisë për një përfaqësues kompanie shkon deri në 120 mijë dollarë, një kosto e arsyeshme për të qëndruar me 0.01% e botës.
Për herë të parë, Kosova do të marrë pjesë në Forumin Ekonomik Botëror të Davosit, duke prezantuar veten përmes iniciativës “Kosova House”, për të cilën Qeveria e Kosovës ka ndarë 350 mijë euro.
Organizimi i forumit të Davos-it këtë vit pritet të kushtojë plotë 24 milionë franga zvicerane nga rreth 18 milionë vitin e shkuar. Kjo është ndër nivelet më të larta ndonjëherë.
Një pjesë e konsiderueshme e shpenzimeve, gati 9 milionë franga zvicerane është planifikuar të shkojë për sigurinë. Pjesa më e madhe e shpenzimeve do të mbulohet nga qeveria zvicerane.
Vitin e shkuar Shqipëria nuk u përfaqësua në nivel politik Forumin e Davosit, ndërsa në 2023-shin ku lidhi një marrëveshje bashkëpunimi me Izraelin në fushën e sigurisë dhe mbrojtjes kibernetike.
