LIGJET E BIZNESIT
Euro ka arritur kuorën e 100 lekëve, pas rënieve të forta dhe të ndjeshme. Monedha europiane zbriti këtë muaj nën kuotën e 98 lekëve, duke sinjalizuar se dobësimi i nisur vecanërisht në dy vitet e fundit do të vazhdonte. Por që prej fillimit të javës euro po forochet, së bashku me valutat e tjera.
Sipas të dhënave nga agjencitë e këmbimit valutor, në treg ka një shtim të sasisë së lekut, për shkak të pagesave që ka bërë qeveria këtë muaj nga buxheti për prokurimet e fundvitit. Nga ana tjetër, sasia e euros në qarkullim është tkurrur, pasi turistët kanë qenë më të paktë, si pasojë edhe e përkeqësimit të motit. Paralelisht, është rritur kërkesa për euro nga bizneset që kanë bërë blerjet e fillimit të sezonit.
Por a do të vijojë rritja e euros?
I ftuar në emisionin A2 Business të gazetares Aurora Sulce, drejtori ekzekutiv i Shoqatës së Agjencive të Këmbimit Valutor, Dritan Vakaj deklaroi se euro në nivelin 100 lekë pritet të na shoqërojë gjatë.
“Besoj që 100 lekë do të jetë një plus minus, një lloj ekuilibri që do të vazhdojë gjatë. Nuk kemi ndonjë indikacion, i cili të na bëjë të besojmë se do të kemi ndryshime të rëndësishme që do ta prekin kursin e këmbimit”, u shpreh Vakaj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
