LIGJET E BIZNESIT
Administrata Tatimore ka njoftuar realizimin e rimbursimit të tatimit të parapaguar për 7462 tatimpagues, që ofrojnë shërbime profesionale.
7157 Tatimpagues të rimbursuar – Datë 18 dhjetor 2024
305 Tatimpagues të rimbursuar – Datë 20 dhjetor 2024
Ndërkohë, me hyrjen në fuqi të udhëzimit të ri për taksimin e dyfishtë, tatimpaguesit së shpejti do të kenë mundësi të dorëzojnë dokumentacionin elektronikisht. Drejtoria e Përgjithshme e Tatimeve bën të ditur se dorëzimi do të kryhet vetëm në faqen zyrtare të DPT ku është publikuar edhe formulari.
Administrata Tatimore, gjithashtu ka njoftuar se ka hartuar dokumentin strategjik, përmes së cilit synohet ndërtimi i një “administrate të zgjuar dhe moderne, me integritet të padiskutueshëm, të besuar dhe të admiruar”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Plani fokusohet në katër shtylla kryesore: rritjen e efiçencës së mbledhjes së të ardhurave tatimore duke nxitur përmbushjen vullnetare, modernizimin e sistemeve dhe proceseve të administratës tatimore, progresin organizativ dhe zhvillimin e kapaciteteve njerëzore, si dhe integrimin në BE duke u përafruar me standardet europiane.
