LIGJET E BIZNESIT
Statistikat e fundit në Mbretërinë e Bashkuar tregojnë se shumica e investimeve në kapital sipërmarrës për inteligjencën artificiale (AI) po shkojnë drejt ekipeve të themeluara vetëm nga burra. Nga kompanitë e reja të AI të krijuara midis viteve 2012 dhe 2022, 79.6% janë themeluar nga burra.
Duke marrë shkas nga kjo, mjeti i menaxhimit të prompt-eve AIPRM analizoi trendet e investimeve në kapital sipërmarrës nga viti 2012 deri më sot për të parashikuar se cilat vende do të investojnë më shumë në AI në vitin 2025. Ata grumbulluan të dhëna mbi investimet në kompanitë e AI, përdorimin e AI për qëndrueshmëri mjedisore, kompanitë e AI gjenerative dhe kompanitë që punojnë në AI compute.
Të dhëna mbi Mbretërinë e Bashkuar
Pas Shteteve të Bashkuara dhe Kinës, Mbretëria e Bashkuar renditet e treta për investimet më të larta në kapital sipërmarrës për AI!
Gjithsesi, Mbretëria e Bashkuar po investon ndjeshëm më pak në kompanitë e AI compute krahasuar me sektorët e tjerë të AI. Për sa i përket përdorimit të AI në qëndrueshmërinë mjedisore, Mbretëria e Bashkuar zë vendin e pestë, duke u kaluar edhe nga Suedia që renditet e treta.
Të gjitha vendet e analizuara treguan rritje pozitive në investimet për AI.
Vendet me Investimet më të Larta në Kapital Sipërmarrës për AI
| Vendi | 2012 $ | 2023 $ | 2024 $ | Parashikimi 2025 $ |
|---|---|---|---|---|
| 1. SHBA | 2,474,000,000 | 54,836,000,000 | 80,493,000,000 | 87,400,000,000 |
| 2. Kina | 165,000,000 | 18,271,000,000 | 37,749,000,000 | 40,579,000,000 |
| 3. MB | 121,000,000 | 3,085,000,000 | 6,448,000,000 | 7,057,000,000 |
| 4. Gjermania | 29,000,000 | 2,159,000,000 | 3,743,000,000 | 4,109,000,000 |
| 5. Izraeli | 105,000,000 | 1,992,000,000 | 3,671,000,000 | 4,018,000,000 |
| 6. India | 140,000,000 | 2,077,000,000 | 3,464,000,000 | 3,802,000,000 |
| 7. Kanada | 115,000,000 | 1,847,000,000 | 3,133,000,000 | 3,426,000,000 |
| 8. Koreja | 88,000,000 | 2,211,000,000 | 3,051,000,000 | 3,356,000,000 |
| 9. Franca | 30,000,000 | 2,027,000,000 | 2,598,000,000 | 2,857,000,000 |
| 10. Suedia | 700,000 | 1,988,000,000 | 2,357,000,000 | 2,614,000,000 |
SHBA – Lider global
Në vendin e parë për investime në AI, Shtetet e Bashkuara pritet të arrijnë shifrën e $87.4 miliardë në vitin 2025, duke përjetuar një rritje prej 3,432.7% nga viti 2012. Ato kanë gjithashtu investimet më të larta të parashikuara për kompanitë e AI compute, me $9.5 miliardë. Këto kompani krijojnë teknologji dhe infrastrukturë për ta bërë AI më efikase dhe të përballueshme.
Kina – Rival i fortë
Në vendin e dytë, Kina pritet të investojë $40.5 miliardë në AI në vitin 2025, një rritje spektakolare prej 22,778% nga viti 2012. Kina pritet të udhëheqë në investimet për AI në qëndrueshmëri mjedisore, me një shifër të parashikuar prej $3 miliardë. Kjo përdor AI për të adresuar sfida të mëdha globale dhe për të mbrojtur planetin.
Mbretëria e Bashkuar – Vendi i tretë
Mbretëria e Bashkuar parashikohet të investojë $7 miliardë në vitin 2025, një rritje nga $121 milionë në vitin 2012. Për kompanitë e AI compute, investimet e saj pritet të arrijnë $494 milionë, duke zënë vendin e tretë. Ndërkohë, për AI në qëndrueshmërinë mjedisore, renditet e pesta me $159 milionë.
Për më shumë detaje mbi të dhënat e plota, mund të shikoni këtu.
