Lajmi për pensionistët, ministri: Brenda muajit përcaktohet bonusi i pranverës

Brenda këtij muaji do të përcaktohet se sa do të jetë bonusi i pensionistëve në pranverë. Lajmin e dha Ministri i Financave, Petrit Malaj.

Ai tregoi gjithashtu edhe pse pagat në shtet po rriten më shpejt se në privat, ndërsa i bëri thirrje këtij sektori që të ndjekë këtë trend nëse do të jetë konkurrues në ekonominë shqiptare.

“Pritet të ndodhë gjatë fundit të vitit. Ky është një akt normativ shumë i rëndësishëm pasi ne do të duhet të bëjmë edhe një vlerësim të ecurisë ekonomike. Me këtë akt normativ ne do të përcaktojmë edhe bonusin e pranverës për pensionistët.

Sa i përket informalitetit, ne jemi në proces që po ndiqet nga Drejtoria e Tatimeve. Duhet të them se të gjitha bizneset private kanë reflektuar pozitivisht në vijim të njoftimeve që ka lëshuar drejtoria. Së shpejti do të kemi edhe rezultate konkrete.

Edhe sektori privat duhet të reflektojë të njëjtin trend që po ndjek edhe sektori publik nëse do të mbetet konkurrues në ekonominë shqiptare”, tha ministri.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern