Shikoni rreth jush dhe do të shihni shumë shpikje që na e kanë bërë jetën më të lehtë – po e lexoni këtë tani duke përdorur një prej tyre. Megjithatë, jo të gjitha shpikjet kanë qenë të menduara mirë. Disa janë lindur me qëllime të mira, të tjera janë krijuar për të mbushur një hapësirë që nuk ekziston, me shpresën për të fituar pak para.
Kostum parashutë
Franz Reichelt ishte një rrobaqepës që projektoi një kostum që mund të përdorej si parashutë nga pilotët. Pas testeve fillestare me kukulla, ai ishte aq i sigurt se dizajni i tij do të funksiononte, sa që në vitin 1912 vendosi ta provonte duke u hedhur nga kati i poshtëm i Kullës Eiffel në Paris, Francë. Për fat të keq, dizajni i Franzit dështoi dhe ai vdiq. Megjithatë, falë shpirtit pionier të tij, tani ne kemi kostumet e fluturimit, si dhe parashutat dhe ulëset për pilotët.
Kapsulat e kafesë
Kapsulat e kafesë janë një prej shpikjeve më të shkëlqyera në projektim, por në praktikë janë jashtëzakonisht të shpërdorueshme. Edhe shpikësi i tyre, John Sylvan, u pendua që i shpiku ato gjatë kohës që punonte për prodhuesin e kafesë Keurig Green Mountain.
Studimet sugjerojnë se ndotja globale vjetore e shkaktuar nga kapsulat e kafesë është shumë më tepër se gjysmë milioni tonë. Disa kompani speciale mund t’i riciklojnë për ju, por nuk mund t’i riciklohen në shtëpi. Dhe nëse hidhen në tokë, ata do të duhen 500 vjet për t’u dekompozuar.
Reklamat e papritura (pop-up)
Këto reklama janë sinonim me përvoja të këqija të shfletimit të internetit. Megjithatë, ato janë krijuar fillimisht për t’i ndihmuar përdoruesit e internetit, jo për t’i penguar ata. Ato u shpikën nga Ethan Zuckerman, si një mënyrë për reklama në faqe pa sugjeruar një lidhje të drejtpërdrejtë midis reklamës dhe përmbajtjes së faqes.
Zuckerman më pas kërkoi falje për këtë shpikje jashtëzakonisht të bezdisshme, duke shkruar se “qëllimet e tij ishin të mira”.
Çamçakëzet përtypëse
Versioni modern ka qenë me ne që në 1848, kur goma e parë përtypëse doli në shitje. Shije të ndryshme u shtuan për të rritur tërheqjen e saj, por koha e vërtetë e lulëzimit ishte në shekullin XX. Ajo mund të gjendej kudo.
Një nga përbërësit kryesorë të çamçakëzave është poli(acetat vinili), një lloj plastike që është shumë i vështirë për t’u hequr kur vjen në kontakt me gjëra si këpucët dhe trotuaret. Dhe kjo gjithashtu e bën shumë të lodhshme dhe të shtrenjtë për t’u pastruar.
Çantat plastike
Kur u shpikën në vitin 1965, çanta plastike besohej të mund të ripërdorej vazhdimisht. Megjithatë, bota sot ka një problem të madh me ndotjen nga plastika, ku çantat plastike vazhdojnë të përdoren. Studimet parashikojnë që deri në vitin 2050, plastika do të jetë më e madhe se peshqit në det. Çantat plastike vrasin jetën detare dhe gjithashtu duhen shekuj për t’u dekompozuar.
Anije ajri me hidrogjen
Me shpikjen e fluturimeve dhe përparimin e balonave ajrore, udhëtimi u bë një mundësi emocionuese. Kompania Zeppelin pati sukses duke ofruar anije ajrore luksoze nga Evropa në SHBA. Megjithatë, mbushja e balonave me hidrogjen, çoi në aksidente, dhe tragjedia e Hindenburgut në vitin 1937 e përfundoi epokën e anijeve ajrore./SF
