Çfarë depozitash preferojnë shqiptarët?

Kursimet në lekë kanë vijuar rritjen edhe në muajin nëntor. Statistikat zyrtare nga Banka e Shqipërisë tregojnë se depozitat me afat mbi 2 vjet vijojnë të jenë më të preferuarat nga qytetarët, ndërsa ato me afat 3 muaj zgjidhen më pak.

Në nëntor, depozitat pa afat janë regjistruar në 55.6 miliardë lekë, ndërsa ato me afat në 378 miliardë lekë, një rënie prej 0.4% për këto të fundit në krahasim me muajin paraardhës. Kursimet që kanë kontribuar më tepër në rënien e totalit të depozitave me afat kanë qenë ato të ruajtura deri në 1 muaj, 3 muaj dhe 2 vjet.

Ndërkohë që depozitat me afat mbi 2 vjet, 1 vit dhe 6 muaj, kanë pësuar rritje gjatë muajit nëntor. Konkretisht, vlera e depozitave me afat mbi 2 vjet ka arritur në 168 miliardë lekë, shifër rreth 0.4% më e lartë se në muajin pararendës. Nëse bëjmë një krahasim me muajin nëntor të vitit të kaluar, depozitat me afat rezultojnë me një rritje prej 4.6%, ndërsa ato pa afat me 4.2%.

Po për bizneset, cilat kanë qenë depozitat që kanë shënuar rritjen më të madhe?

Për sa i përket bizneseve, depozitat me afat 1 vit vazhdojnë të jenë më të preferuarat, megjithëse vlera e tyre nuk ka pësuar ndonjë ndryshim të dukshëm në krahasim me muajin tetor, duke u fiksuar kështu në shumën e 5.7 miliardë lekëve. Depozitat me afat 1 muaj, 3 muaj, 2 vjet dhe mbi 2 vjet, kanë qenë ato që kanë shënuar rënien më të madhe./Tv Scan

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern