LIGJET E BIZNESIT
Bllokimi i mandarinave shqiptare nga Bashkimi Europian për shkak të mbetejeve të larta pesticide ka rikthyer shqetësimin lidhur me sigurinë ushqimore. Thënë ndryshe, për cilësinë e produkteve që blejmë dhe konsumojmë. Kjo duke pasur parasysh se në të kaluarën, ka pasur plot raste problematike me produkte të tjera. A kontrollohen fermerët apo prodhuesit në të gjitha hallkat e prodhimit për cilësinë? Sa të sigurtë jemi sot?
Eksperti i sigurisë ushqimore, Ervin Resuli, i cili dha alarmin për mandarinat e helmuara shpjegon se në tregun vendas qarkullon në mënyrë kontrabandë pesticidi i ndaluar, që shitet edhe në farmacitë bujqësore. Sipas tij, fermerët nuk kanë informacionin e duhur për të dalluar pesticidet.
Por a kemi konsumuar edhe ne brenda vendit mandarina të tilla?
“Problematika kryesore e këtyre mandarinave ishte prania e një pesticide të quajtur klor perifos, i cili është i ndaluar në përdorimin për fruta perimeve dhe për mandarinat në rastin konkret. Dhe ajo që e bënte situatën më shqetësuese dhe alarmante ishte dhe neglizhenca e institucioneve shtetërore që treguan paaftësinë e tyre për të menaxhuar situatën dhe për të garantuar konsumatorin që të mos konsumonin këto mandarina. Pasi kamioni i parë i ndaluar, ka të dhëna që me shumë gjasa ka kaluar në treg”, shprehet Resuli.
Sipas ekspertit, gjatë vitit 2024 rastet e denoncuara lidhur me sigurinë ushqimore kanë qenë në nivelet më të larta krahasuar me periudhat e mëparshme, duke lënë qartazi të kuptohet se jemi të pasigurtë lidhur me ushqimet që blejme dhe konsumojmë cdo ditë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
