LIGJET E BIZNESIT
Nis sot Java Globale e Sipërmarrjes. Nga data 18 deri më 25 nëntor parashikohen mbi 50 evente, ku do të mblidhen së bashku novatorë, sipërmarrës dhe biznese nga shumë vende të botës.
Java e Sipërmarrjes, e shndërruar tashmë në një traditë edhe në Shqipëri, organizohet nën kujdesin e Ministres së Shtetit për Sipërmarrjen dhe Klimën e Biznesit, me mbështetjen e 35 partnerëve nga sektori publik dhe privat, bota akademike dhe organizatat ndërkombëtare që operojnë në vend.
Java Ndërkombëtare e Sipërmarrjes (GEW Albania 2024) do të ketë në fokus rritjen e ndërveprimit midis të gjithë aktorëve, rrjetëzimin, diversifikimin e financimeve alternative, fuqizimin e ekosistemit mbështetës, por mbi të gjitha transformimin e kulturës së të bërit biznes me qasje ndaj risive globale dhe krijimit të vlerës së shtuar për ekonominë.
Në këtë frymë, sesionet që do të organizohen do të përfshijnë:
- Aftësim dhe frymëzim nga histori suksesi sipërmarrjesh kombëtare dhe ndërkombëtare
- Motivim nga folës dinamik dhe takime me mentorë
- Programe aftësimi me partnerë të ndryshëm
- Diskutime me gratë sipërmarrëse, të rinj ambiciozë dhe drejtues biznesesh
- Diskutime në panele, prezantime dhe raporte të industrive
- Vizita në biznese dhe takime të dedikuara me drejtues të korporatave të huaja dhe vendase
Kjo ngjarje e rëndësishme do të sjellë së bashku themelues biznesesh, investitorë, ekspertë dhe entuziastë të sipërmarrjes nga e gjithë bota, duke ofruar mundësi për rrjetëzim, mësim dhe bashkëpunim për zhvillimin e ideve dhe projekteve të reja.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjatë javës, qytetarët dhe profesionistët shqiptarë do të kenë mundësinë të marrin pjesë në një seri aktivitetesh, duke përfshirë seminare, trajnimet, panele diskutimi dhe sesione mentorimi që do të mbahen në disa nga lokacionet më të rëndësishme të Tiranës.
Çfarë të prisni gjatë Javës Ndërkombëtare të Sipërmarrjes ?!:
- Panele Diskutimi dhe Prezentime nga ekspertë të fushës së biznesit dhe inovacionit.
- Sesione Mentorimi dhe Trajnimi për sipërmarrësit që duan të zhvillojnë dhe përmirësojnë idetë e tyre.
- Rrjetëzim dhe Mundësi Bashkëpunimi për të lidhur sipërmarrës dhe investitorë nga Shqipëria dhe rajoni.
- Ëorkshops dhe Aktivitetet Praktike për ngritjen e aftësive teknike dhe menaxheriale të biznesit.
Të gjitha sesionet e kësaj jave synojnë të frymëzojmë, motivojmë, fuqizojmë, lidhim dhe ndajmë njohuritë në fushën e sipërmarrjes me studentë, studentë sipërmarrës, mentorët dhe partnerët tanë të biznesit.
Ju ftojmë të na ndiqni për më shumë detaje dhe informacione rreth kësaj jave dedikuar sipërmarrjes.
Bashkohuni me ne për të ndarë përvojat, për të qenë pjesë e seminareve dhe rrjeteve të dedikuara për sipërmarrësit, bizneset dhe startup-et.
Shqipëria ka histori të suksesshme sipërmarrjesh të reja dhe po punon për të fuqizuar ekosistemin e tyre, përmes një kuadri ligjor model dhe mbështetjes së vazhdueshme financiare. Misioni ynë është pikërisht zhvillimi i këtij vizioni.
Ju mund të shihni këtu Kalendarin e Eventeve
