Një vatër e gripit të shpendëve (H5N1) është identifikuar në fshatin Mëzezë në Tiranë. Lajmin e bëri të ditur Ministria e Bujqësisë, e cila bën të ditur se vatra është karantinuar me qëllim izolimin dhe parandalimin e përhapjes së infeksionit, shkruan A2.
Në njoftimin e ministrisë thuhet se Instituti i Shëndetit Publik është lajmëruar për të kryer procedurat e nevojshme për kontrollin dhe vlerësimin e riskut tek njerëzit, raporton A2.
Ndërsa është ndaluar me urdhër që fermerët të kryejnë transportime apo dhe shitje nga fermat e zonave të Bashkive: Tiranë, Vorë dhe Kamëz.
Ndërsa për zinxhirin e sigurisë ushqimore Ministria e Bujqësisë garanton se është nën kontroll.
