LIGJET E BIZNESIT
Shumica e njerëzve “të pasur” bëjnë një jetë normale. Ju ndoshta nuk do e dinit se ata ishin të pasur, nëse do t’i shihnit sepse ata nuk përshtaten me stereotipin. Shumica e njerëzve të pasur janë si ju dhe unë. Ata dinë vetëm një sekret që ne nuk e dimë.
Sekreti për t’u bërë i pasur
Sekreti për t’u pasuruar është i fuqishëm: jetoni nën mundësitë tuaja. Sa më e madhe të jetë diferenca mes asaj që keni fituar dhe çfarë keni shpenzuar, aq më shpejt do ta gjeni veten me para të mjaftueshme për të bërë atë që doni me jetën tuaj.
Shumë nga njerëzit që shihni me shtëpi të mëdha dhe makina luksoze janë deri në fyt me borxhe. Kjo do të thotë se ata janë duke shkelur këtë parim themelor. Ata nuk janë të pasur. Ata janë në borxh. Sfida është të pranoni se nuk mund të grumbulloni pasuri të vërtetë në qoftë se mbani në mend njerëz të tillë. Pasuria e vërtetë vjen nga shpenzimi më pak se ju keni fituar, përsëri dhe përsëri, muaj pas muaji, vit pas viti. Është një proces i ngadaltë dhe i qëndrueshëm. Kjo nuk është emocionuese. Por, kjo është mënyra më e sigurtë për të arritur qëllimet tuaja më të mëdha financiare.
Mënyra praktike për të jetuar duke shpenzuar më pak se sa fitoni
Pra, nëse çelësi është të jetosh poshtë mundësive, nuk do të thotë që duhet të jetoni në një shtëpi të vjetër dhe pa kushte. Kjo lloj metode është sigurisht një opsion. Por, këtu janë disa hapa më praktike që mund t’i merrni në shqyrtim:
- Ulni shpenzimet tuaj të mëdha mujore. Kaloni në një kompani telefonike me kosto të ulët. Teknologjia është duke na lejuar të bëjmë më shumë për më pak dhe ju mund të përfitoni nga kjo.
- Transferoni para në bankë dhe kurseni në fillim të çdo muaji.
- Rrisni normën e kursimeve tuaja me 1% çdo gjashtë muaj.
- Vendosni 50% e të gjithë rritjes në bankë për kursim. Ju ende mund të rrisni stilin e jetës tuaj, por do ta bëni atë në mënyrë të qëndrueshme.
Ripërcaktimi i fjalës “i pasur”
Në qendër të gjithë kësaj është ripërcaktimi se çfarë do të thotë të jesh i pasur. Nëse keni nevojë për një shtëpi të madhe dhe një makinë të shtrenjtë për t’u “ndjerë” i pasur, atëherë kjo këshillë nuk do të funksionojë për ju.
Por, në qoftë se ju e përcaktoni pasurinë si aftësia për të kaluar kohë me miqtë dhe familjen, për të udhëtuar, për të bërë punën që doni dhe për të mos u shqetësuar për paratë, të jetuarit nën mundësitë tuaja do t’ju ndihmojë për këtë. Liria e vërtetë është aftësia për të bërë zgjedhje në jetë që ju bëjnë të lumtur. Kursimi vë para në xhepin tuaj në mënyrë që vetëm ju mund ta bëni atë.
