LIGJET E BIZNESIT
Nga Ilir Pilku, ekspert për bujqësinë
Gjatë vitit 2023, Shqipëria ka eksportuar 5.290 ton vaj ulliri, me një çmim mesatar 5 dollarë për kg. Sasia më e madhe e vajit të ullirit është eksportuar në Itali, 4.838 ton me një vlerë të gjeneruar prej 24.3 milion dollarë.
Sasia e dytë më e madhe e eksportuar është në Shtetet e Bashkuara të Amerikës, plot 214 ton, me një vlere prej 914.776 dollarë.
Vlera totale e eksportit të vajit të ullirit për vitin 2023 është 26.7 milion dollarë.
Kjo statistikë e eksportit të vitit 2023 i përket prodhimit të vajit ullirit në vitin 2022, ku Shqipëria kishte një prodhimtari super të lartë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ndërkohë Shqipëria ka importuar nga Italia (në vitin më të vështirë për Italinë), po në vitin 2023, plot 620 ton vaj ulliri, me një vlerë prej 4.1 milion dollarë. Pra, importi nga Italia rezulton me një vlerë prej 7 dollarë për kg.
Pra, Shqipëria eksporton lirë dhe blen/importon shtrenjtë. Dhe në rastin konkret, ka eksportuar vaj ulliri në Itali me 5 dollarë për kg dhe ka importuar (me siguri vaj shqiptar) nga Italia me 7 dollarë për kg.
