Cdo shqiptar shkoi mesatarisht tre herë tek mjeku vitin e kaluar. Instituti i Statistikave ka publikuar të dhënat mbi treguesit e shëndetit publik. Sipas statistikave, në vitin 2023, numri i vizitave gjithsej në shërbimin parësor ishte 9.241.229, mesatarisht 3.3 kontakte për person në vit. “Numri i vizitave shënoi një rritje me 9.6 %, krahasuar me numrin e vizitave në vitin paraardhës. Gjatë vitit 2023, ditët mesatare të qëndrimit të një pacienti në spital ishin 4.8 ditë”, thekson INSTAT.
Sipas të dhënave, vitin e kaluar 41.5 % r totalit të vizitave në shërbimin parësor u kryen në qendrat shëndetësore, 23.2 % në ambulanca dhe 35.2 % në poliklinika. “Përgjatë 5 viteve të fundit, vihet re pothuajse e njëjta shpërndarje në numrin e vizitave. Rreth 35 % e vizitave në qendrat shëndetësore dhe ambulancat u realizuan nga personat mbi 60 vjeç”, vlerëson Instituti i Statistikave.
Sipas të dhënave, viti e kaluar në institucionet publike të shërbimit spitalor janë kryer 65.043 ndërhyrje kirurgjikale ose 1.8 % më shumë, krahasuar me një vit më parë.
