Më datë 3 dhjetor, buxheti 2025 do të kalojë për miratimin nen për nen në seancë plenare. Drafti më i rëndësishëm i financave publike ka pësuar disa ndryshime gjatë diksutimit në komisionet parlamentare, ku ka pasur shtim fondesh për disa institucione dhe rialokime.
Janë mbi 2.5 miliardë lekë më shumë para që u kërkuan nga institucionet e drejtësisë si SPAK, KLGJ, KLP, KPK, Gjykata Kushtetuese, ILD, Shkolla Magjistraturës por dhe Kuvendi, SHISH, INSTAT, KLSH, RTSH, Drejtoria e shërbimeve qeveritare etj. Një shtesë e konsideruehsme do të shkojë edhe në drejtim të KQZ për zgjedhjet e vitit 2025.
NDRYSHIMET E BËRA NGA KOMISIONI I EKONOMISË:
Në buxhetin 2025 janë bërë këto ndryshime, që do t’i përcillen seancës planare për miratim:
-Te Kuvendi shtohen shpenzimet me 160 milionë lekë, nga të cilat për mallra dhe shërbime me 110 milionë lekë për mirëmbajtjen e sistemeve elektronike, rritjen e shpenzimeve për udhëtimet jashtë shtetit, konferenca në marrëdhënie ndërkombëtare, rritjen e dietave të deputetëve si pasojë e rritje së pagave, pagesë së ekspertëve të jashtëm. 50 milionë lekë për sigurinë kibernetike dhe blerje pajisjesh.
-Kemi një rishpërndarje të transfertës të pakushtëzuar për mbetjet për në Elbasan dhe Gjirokastër. Propozohen pakësime në bashkitë Cërrik, Peqin, Rrogozhinë, Dropull, Këlcyrë, Memaliaj.
-SHISH me shpenzime operative 50 milionë lekë për aktivitete të institucionit.
-RTSH shtohen me 100 milionë lekë shpenzimet për shërbimin për shqiptarët jashtë kufirit, veprimtaritë artistike, orkestra simfonike etj
-Agjencinë Telegrafike shtohen shpenzimet me 6 milionë për arkivën dhe institucionet.
-Kinematografia, një punonjës dhe shpenzime te personelit me 1 milionë lekë për nevoja të institucionit.
-Tek arkivat me 30 milionë lekë shpenzime operative, për personelin.
-KLSH për 100 vjetorin e themelimit të institucionit.
-INSTAT shtohen 6 punonjës në organik me 60 milionë lekë, shpenzime personeli dhe operative. Për zhvillimin e statistikave të turizmit.
-Shkolla Magjistraturës, shtohet 1 punonjës shtohen 6.2 milionë shpenzime
-KLGJ 500 milionë lekë shpenzime personeli, operative.
-ILD 26.7 milionë lekë, për logjistikë dhe blerje pajisjesh.
-SPAK 200 milionë lekë, personeli dhe kapital për rikonstruksionin e godinës.
-Komisioneri i Prokurimit Publik, 8.8 milionë lekë për mirëmbajtjen e sistemit të ankesave dhe rikonstruksione zyrash.
-Komisioni i Mbrojtjes nga Diskriminimi 1 milionë lekë, 1 ekspert i jashtëm.
– Komisioni për të Drejtën e Informimit 8 milionë lekë për dixhitalizmin e programit të transparencës
-Autoriteti për Informimin për dokumentet e ish-Sigurimit të Shtetit, me 8 milionë lekë për ndërtim platforme.
-KQZ shtohen 134 milionë lekë shpenzime kapitale për financimin e sistemit të indeksimit, ruajtjes së pamjeve filmike, modulin e hartave të qendrave të votimit, shtohen shpenzimet operative 56 milionë për funksionimin e institucionit gjatë periudhës zgjedhore, shtohen shpenzimet për zgjedhjet parlamentare për zgjedhjet e 2025 me 500 milionë lekë.
-Shtohen shpenzimet nga Fondi Rezervë i Këshillit të Ministrave me 500 milionë lekë.
-Në GJK shtohen 5 punonjës, shtohen shpenzimet me 12 milionë nga 7 milionë lekë personeli dhe 5 për konferencat
-KPK dhe Komisionerit Publik i shtohen 32 punonjës për një kontratë 6 muaj dhe shpenzime personeli 48.1 milionë lekë.
-Drejtoria e shërbimeve qeveritare subvencione 100 milionë lekë duke reflektuar rritjen e pagave dhe fondi rezervë shtohet në 300 milionë lekë. Burimi do të jetë rritja e të ardhurave.”
Lidhur me buxhetin e vitit të ardhshëm kanë bërë amendime edhe opozita, të cilat gjithashtu pritet të votohen në seancën planerë të 3 dhjetorit.
