Çelet “Panairi i 27 i Librit”. Tituj të ndryshëm nga 90 shtëpi botuese nga vendet e ndryshme të rajonit

Ka ngritur siparin në Pallatin e Kongreseve Panairi i 27 i Librit. Në këtë event të rëndësishëm marrin pjesë pjesë 90 shtëpi botuese nga Shqipëria, Kosova, Mali I Zi dhe Maqedonia. Tituj të ndryshëm, libra ekonomikë, politikë, histori, reportazhe e deri tek ato për fëmijë janë të ekspozuar në stendat e shtëpive botuese. Cmimet për 1 libër varijojnë nga 500 lekë që janë ato për fëmijë e deri në 3000 lekë për romane të ndryshëm.

Përvec një interesi të lartë vizitorësh në këtë panair nga mosha të ndryshme, një tendencë rritëse kundrejt një viti më parë duket në nisje edhe në shitjet e librave. Të dhënat tregojnë se vetëm disa nga shtëpitë botuese kryesore të librave në vend realizuan në vitin 2021 një xhiro vjetore prej 1.71 miliardë lekë, shifër që arriti në 1.75 miliardë lekë në vitin 2022, me rritje 40 milionë lekë.