Stabilizohen çmimet, inflacioni zbret në 1.9% për herë të parë pas 4 vitesh

Inflacioni zbret për herë të parë në 4 vitet e fundit nën nivelin e 2%, duke sinjalizuar stabilizim të cmimeve. Të dhënat e fundit të Institutit të Statistikave tregojnë se në shtator, treguesi që mat koston e jetesës në vend shënoi 1.9% nga 4.1% që ishte në të njëjtën periudhë të një viti më parë.

Grupet që kanë ndikuar në inflacion

Rritja vjetore e çmimeve në muajin Shtator është ndikuar kryesisht nga grupi “Ushqime dhe pije joalkoolike” me +0,94 pikë përqindje, pasuar nga grupi “Qira, ujë, lëndë djegëse dhe energji” me +0,30 pikë përqindje.

Gjithashtu, çmimet e grupit “Mobilje, pajisje shtëpie dhe mirëmbajtje e shtëpisë” ndikuan me +0,26 pikë përqindje, çmimet e grupit “Pije alkoolike dhe duhan” me +0,17 pikë përqindje, çmimet e grupit “Veshje dhe këpucë” me +0,13 pikë përqindje, çmimet e grupeve “Argëtim dhe kulturë” dhe “Mallra dhe shërbime të ndryshme” me +0,10 pikë përqindje secili, çmimet e grupit “Hotele, kafene dhe restorante” me +0,09 pikë përqindje, çmimet e grupit “Shëndeti” me +0,04 pikë përqindje, çmimet e grupit “Shërbimi arsimor” me +0,03 pikë përqindje, çmimet e grupit “Komunikimi” me +0,02 pikë përqindje dhe çmimet e grupit “Transporti” me – 0,28 pikë përqindje.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Inflacioni është stabilizuar edhe në vendet e tjera, kryesisht ato të Europës, prej nga ku importojnë pjesën më të madhe të produkteve që konsumojnë. Por pavarësisht kësaj ecurie pozitive, banka e Shqipërisë, por edhe bankat e tjera qendrore argumentojnë se risqet për krizën e cmimeve janë ende të pranishme.