Rritja ekonomike, cilët janë sektorët kryesorë dhe sa ka ndikuar në jetesën e shqiptarëve?

Nga Aurora Sulçe, Producente Ekzekutive për Biznesin

Ekonomia shqiptare po zhvillohet në një terren pozitiv, duke ruajtur pak a shumë të njëjtat norma rritje si edhe një vit më parë.

Të dhënat e Institutit të Statistikave tregojnë se në pjesën e parë të këtij viti, rritja ka qenë 3.9%, po aq sa u shënua edhe vitin e kaluar.

Dhe padyshim që një rritje ekonomike pozitive ka efekte tek bizneset dhe qytetarët. Pasi të paktën teorikisht kjo përkthehet në krijim të vendeve të reja të punës; në rritje të likuiditetit dhe fitimeve për bizneset dhe në rritje të të ardhurave të disponueshme për qytetarët.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Por a ka ndodhur kjo? Le të shohim sektorët që kanë gjeneruar rritjen ekonomike.

Sektori që po mban aktualisht në këmbë ekonominë mbetet ndërtimi, i nxitur nga kërkesa e lartë për banesa, por edhe nevoja e vendit për projekte në infrastrukturë. Ndërkohë që prodhimi, që gjeneron më shumë punësim dhe lë vlerë të shtuar në ekonomi, është në rënie. Sipas të dhënave, pesha e ndërtimit në ekonomi është rritur në vite dhe ky sektor jep aktualisht 12% të Prodhimit të Brendshëm Bruto. Ndërkohë që pesha e bujqësisë, që është edhe baza e prodhimit vendas, po tkurret dhe ka zbritur në 16.2%.