RAPORTI/ Shqiptarët, me tatimin më të lartë mbi pagën në rajon

Që prej vitit 2013, në fuqi është taksa progressive për tatimin mbi të ardhurat personale. Thënë ndryshe, në varësi të pagës, përcaktohet edhe niveli i taksës, sipas parimit që kush fiton më shumë, paguan më shumë. Por shqiptarët paguajnë sot më shumë se gjithë qytetarët e rajonit tatim mbi pagën. Sipas të dhënave të qendrës studimore Altax, në vendin tonë aplikohet sistemi I taksimit të pagës me 4 fasha: 0, 8, 13 dhe 23% për pagat e larta.

Vendet e tjera, si Kosova dhe Maqedonia e Veriut kanë sistemin me një nivel taksimi, përkatësisht 10 dhe 7%. Ndërsa të gjitha vendet e tjera, që gjithashtu kanë sistem progresiv, I kanë fashat e taksimit më të ulëta se tek ne.

Por edhe pse ka taksat më të larta, Shqipëria mbledh më pak të ardhura se të gjitha këto vende, gjë që shpjegohet me nivelin e lartë të informalitetit. Thënë më thjesht, një pakicë paguan më shumë se të gjithë, ndërsa pjesa tjetër nuk paguan asgjë.

Teoritë ekonomike tregojnë se vendet me nivele të larta taksimi kanë prirjet të shmangin pagesën e taksave, cka do të thotë se barra fiskale mund të jetë një ndër faktorët e nivelit të lartë të informalitetit që kemi sot.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern