Qeveria pranon kërkesën e biznesit. Ja si do të subvencionohen punonjësit në turizëm

Qeveria pranon propozimin e operatorëve në sektorin e turizmit për të mbështetur financiarisht punonjësit, edhe jashtë seoznit. Punë 6 muaj dhe më pas të paguhen aq sa paga minimale pa u paraqitur fizikisht. Është ky propozimi që po dakordësohet mes palëve për ruajtjen e fuqisë punëtore dhe zhvillimin e mëtejshëm të sektorit të turizmit. Në Strategjinë e e re Kombëtare të Turizmit për vitet 2024-2030, Ministria e Turizmit thekson nevojën për mbështetje financiare të punonjësve gjatë periudhave jashtë pikut.

“Ky kuadër duhet të fokusohet te punonjësit sezonalë në industrinë e turizmit, duke siguruar që ata të marrin kompensim të përshtatshëm kur nuk janë duke punuar në mënyrë aktive, si dhe duhet të stimulojë punëdhënësit që të mbajnë forcën e tyre punëtore për sezonet pasuese”, theksohet në Strategji. Ministria e Turizmit dhe e Mjedisit.

Marrja e një nisme të tillë përfshin përcaktimin e qartë të grupeve të synuara, periudhës së punës pa ndërprerje, por edhe kohës së mbështetjes financiare, sigurimet shoqërore dhe shëndetësore edhe ripunësimi.

Ndërmarrja e një nisme të tillë pritet të rrisë sigurinë në punë për punonjësit sezonalë dhe të ruajë një forcë punëtore të kualifikuar për industritë sezonale.  Duke bërë që kjo qasje të ndihmojë në garantimin e një niveli të qëndrueshëm jetese për punonjësit, si dhe një forcë punëtorë të besueshme për punëdhënësit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern